Sali Berisha nuk do të dalë nga shtëpia ku ndodhet i arrestuar prej 30 dhjetorit 2023 pasi refuzoi të zbatonte vendimin e GJKKO për tu paraqitur në SPAK.
Gjyqtarja e GJKKO, Irena Gjoka rrëzoi edhe sot kërkesën për revokim të msaës së sigurisë për ish kryeministrin dhe dhëndrin e tij Jamarbër Malltezi të akuzuar për korrupsion lidhur me aferën e privatizimit të ish kompleksit sportiv Partizani që u pasua me ndërtimin e 19 kullave.
Në seancë prokurororët kundërshtuan kërkesën e palës mbrojtëse për ndryshimin e masës së sigurisë pasi Berisha vijon të thyejë masën e sigurisë.
Si çdo qytetar tjetër, Berishës në arrest shtëpie, ka të njëjtat kushte dhe rregulla si të paraburgimit, ku askush s’mund të marrë pjesë në aktivitete jashtë burgut, dhe nuk i lejohet të komunikojë apo takojë me asnjë përveç rrethit të ngushtë familjar që jetojnë në të njëjtën banesë me të.
Por Berisha nuk i është bindur as këtij vendimi. SPAK sollën si provë materialet e marra nga shqiptarja.com dhe top channel për takimet e Berishës me gazetarin e Rait dhe ish-eurodeputetit gjerman i CDU-së, Elmar Brok duke nënvizuar Berisha vijon të mos respektojë vendimi i masës së sigurimit.
Gjithashtu sipas prokuroreve Berisha ka futur mjete teknike në banesë për të mundësuar komunikimet me mbështetësit e tij jashtë edhe kjo e ndaluar, duke thyer hapur vendimin e GJKKO-së. Prandaj me këto fakte prokurorët kërkuan të rrëzohet kërkesa për revokim mase.
Kërkesa u pranua nga gjyqtarja Gjoka e cila rrëzoi pretendimet e avokatit të ish kryeministrit Genc Gjokutaj, i cili jashtë gjykatës e quajti ‘çështje tërësisht politike’, Në një prononcim për gazetarët akuzoi gjyqtaren se ka vendimin gati për të rrëzuar çdo kërkesë që parashtrojmë”
Kujtojmë se GJKKO me kërkesë të SPAK fillimisht kishte dhënë masën e sigurisë ‘detyrim me paraqitje’ në SPAK 2 herë në muaj por Berisha e refuzoi të zbatonte masën e parë që gjyqtarja Gjoka i vendosi. Refuzimi për disa herë me radhë për të zbatuar vendimin e gjykatës, çoi SPAK-un drejt Kuvendit ku mori autorizimin për arrestimin e Berishës deputet dhe më 30 dhjetor 2023 u ndryshua masa e sigurise në ‘arrest shtëpie’
