Policia e Tiranës ka arrestuar të dashurin e polices 21 vjeçare, Aldorjana Loshi që u vetëvra pasditen e djeshme në banesën e saj.
28 vjeçari nga Kamza, i identifikuar si Endri Nika akuzohet për pengim të zbulimit të vërtetës. Burimet bëjnë me dije se ai fshiu mesazhet në telefon me policen. Dje e telefonoi disa herë, por nuk iu përgjigj.
“Ky shtetas dyshohet se ditën e djeshme ka shkuar në banesën e shtetases Aldorjana Loshi, dhe pasi ka njoftuar Policinë për ngjarjen e ndodhur, ka fshirë mesazhet me shtetasen Aldorjana Loshi, në telefonin e saj” konfirmoi policia e Tiranës.
Ngjarja ka ndodhur rreth orës 18.27 të 24 majit 2024 nw baneswn ku jetonte vajza në rrugën “Todi Shkurti”. Aldorjana Loshi, e cila shërbente në Komisariatin e Policisë nr.5 është gjetur pa shenja jete nga i dashur i saj
Arrestimi i shtetasit E. N., 28 vjeç, banues në Kamëz,për veprën penale “Veprime që pengojnë zbulimin e së vërtetës” është bërë gjatë natës nga policia specialistët për Hetimin e Krimeve të Komisariatit të Policisë Nr. 1.
Burime bëjnë me dije se djali ka fshirë mesazhet e komunikimit në celular me policen. Ndërkohë ditën e djeshme i ka telefonuar me dhjetëra herë por nuk i është përgjigjur.
