Fedez duket se nuk ka dëshirë të mbyllet në shtëpi dhe të vuajë për ndarjen nga Chiara Ferragni.
Në vend të kësaj ai shkon nga një festë në tjetrën, dhe çdo herë kapet me një vajzë të bukur, shkruajnë mediat italiane.
Pas Ludovica di Gresy dhe Garance Authié duket se reperi ka pasur një flirt edhe me modelen spanjolle Violeta Toloba, me të cilën është fotografuar në një moment flirti në një klub nate.
Mesa duket Toloba ka qenë e pranishme edhe në Monte Carlo për GP. Videoja daton të enjten e kaluar në Twiga në Monte Carlo, pra para GP të Monacos të dielën ku Fedez u pa me Garance.
Duket se flirti i tyre ka nisur disa javë më parë, se ata kanë kaluar disa ditë bashkë në Courchevel dhe gjithashtu në Coachella. Zyrtarisht me Violetën ka qenë thjesht një miqësi, por sipas thashethemeve ka pasur diçka më shumë, e cila ka përfunduar gjatë qëndrimit në Monaco.
