Vala e pamëshirshme e të nxehtit vrau 33 punonjës të qendrës së votimit në Indi, pasi po mbahen zgjedhjet e përgjithshme.
Ngjarja ka ndodhur në shtetin verior të Uttar Pradesh, ndërsa mësohet se qeveria indiane do u japë familjeve të viktimave 18,000 dollarë secila si kompensim.
Votuesit dhe punonjësit e zgjedhjeve kanë duruar një periudhë të zgjatur temperaturash jashtëzakonisht të larta në pjesën më të madhe të veriut të vendit ndërsa India votoi në një zgjedhje me shtatë faza që filloi më 19 prill. Faza e fundit u zhvillua më 1 qershor.
Të paktën 61 persona kanë vdekur nga goditjet e të nxehtit, lodhja nga nxehtësia, dehidratimi dhe sëmundje të tjera të lidhura me nxehtësinë që nga 24 maji, sipas zyrtarëve lokalë të shëndetësisë dhe qeverisë.
Detyra zgjedhore është e detyrueshme në Indi për punonjësit e sektorit publik. Ata caktohen nga komisioni zgjedhor përpara se të fillojë votimi.
