Në përpjekjet e përditshme për të reklamuar boom-in e madh turistik në vend, kryeministri Rama deklaroi së fundmi se: Monumentet historike dhe sitet arkeologjike të vendit tonë, vetëm në 4 muajt e parë të këtij viti kanë tërhequr 182 mijë vizitorë. Ndërkohë që parqet tona kombëtare dhe natyrore janë vizituar nga rreth 800 mijë vizitorë.
Si një qytyetar shqiptar, si një politikan dhe sipërmarrës në këtë vend, sinqerisht jam më shumë se i lumtur me çdo lajm mbi përparimin e turizmit, i cili bashkë me bujqësinë, janë shtyllat e ekonomisë sonë kombëtare.
Por sinqerisht, kjo loja me shifra, hynë kaq e dolën aq, duke numëruar çdo njeri që hyne e del nëpër pikat kufitare e duke i llogaritur ata për turistë, është vërtet qesharake. Pale pastaj ato lajmet e “mediave prestigjioze”, që “zbulojnë Shqipërinë”, dhe që flasin për valën e madhe të turistëve që vërshojnë në këtë vend të Ballkanit.
Duhet të dimë një gjë!
Pronari i një sere me domate, nuk e bën bilancin se sa rrënjë domate ka mbjellë, por sa ton prodhim ka marrë.
Po ashtu, ferma blegtorale më e mirë nuk është ajo që ka lopë apo dele më shumë, por ajo që jep më shumë qumësht.
Pikërisht, ne duhet të heqim dorë nga numërimi i turistëve nga kokët apo nga këmbët, por duhet ti bëjmë llogaritë nga të ardhurat që marim nga ky sektor dhe atëherë të hyjmë e të bëjmë krahasime më vendet e tjera.
