Pasi me vendim të Gjykatës së Apelit morën vulën dhe logon e Partisë Demokratike, përfaqësuesit e grupimit të Sali Berishës ishin këtë të shtunë në Përmet, ku dërguan mesazhe bashkimi për demokratët, pavarësisht se me qëndrime të ndryshme.
Por nëse Gazment Bardhi beson se të gjithë demokratët duhet të kthehen në shtëpi, Belind Këlliçi nuk ndan të njëjtin qëndrim. Nga i njëjti podium, ish-deputeti theksoi se Lulzim Bashën dhe Enkelejd Alibeajn nuk i do në Partinë Demokratike.
“E rithemeluam dhe luftuam për një pluralizëm që është fituar me gjak në kushte të jashtëzakonshme.
Sot beteja është me Ramën dhe shpurën e tij. Nga Përmeti, t’i shtrijmë dorën kujtdo që ka hatër mbetje dhe ka pasur divergjenca me ne, për t’u bërë bashkë. Nëse kemi një kundërshtar të përbashkët, duhet të jemi bashkë.
Dyshen Alibasha nuk do të doja të vinin në PD, por këto janë qëndrimet e mia personale. Koha të mbyllin kapitullin dhe të vijojmë betejën”, tha ai.
