Një ngjarje e rëndë ka ndodhur pasditen e sotme në Berat, teksa një person është gjetur i vdekur në rrugë.
Mësohet se viktima, një 80-vjeçar, është gjetur i pajetë në anë të rrugës nacionale Roskovec-Berat.
Shtetasi u identifikua nga Policia si Abaz Metaj dhe nga verifikimet paraprake mendohet se temperaturat e larta dhe mosha mund të kenë shkaktuar arrest kardiak. Trupi po dërgohet në morgun e spitalit, për ekzaminimet ligjore.
