Stuhitë e fuqishme dhe shirat e rrëmbyeshëm që goditën Francën, Zvicrën dhe Italinë gjatë kësaj fundjave kanë lënë të vdekur të paktën pesë persona, thanë autoritetet
Tre persona, të moshës 70-të dhe 80-të vjeçare vdiqën në rajonin verilindor Aube në Francë të shtunën e 29 qershorit, kur një pemë u rrëzua mbi makinën me të cilën ata po udhëtonin, shkruan The Guardian. Ndërkohë pasagjeri i katërt është në gjendje kritike.
Në Zvicër, dy persona vdiqën dhe një tjetër është zhdukur pasi shirat e rrëmbyeshëm shkaktuan rrëshqitje të dheut në juglindje të shtetit, në kantonin italianofolës të Ticinos, tha policia.
Moti i keq ka lënë disa zona pa energji elektrike në Zvicër.
Edhe javën e kaluar, Zvicra u përball me shira të rrëmbyeshëm ku për pasojë një person humbi jetën.
