Modelja e njohur shqiptare, Megi Luka ka bërë një “gafë” të pafalshme ditën e djeshme.
Në një postim në Instastory, ish-Miss Universe Albania 2015 ka dashur që të shprehë ngushëllimet për ikjen e të madhit Ismail Kadare, por siç duket ajo e ka ngatërruar atë me autorin e mirënjohur, Dritëro Agolli.
Modelja ka publikuar një poezi të Dritëroit të titulluar “Mjegull i dashurisë”, ndërsa përkrah saj shkruan “Pusho në paqe Dritëro Agolli”.
Postimi është fshirë pak minuta pasi ajo e kishte hedhur, dhe nuk dihet nëse modelja e ka vënë re vetë gabimin, apo të tjerë i kanë treguar se është Ismail Kadare ai që humbi jetën sot, ndërsa Dritëro Agolli është ndarë nga jeta para 7 vitesh.
