Në Shqipëri demokracia funksionon kështu: Pushteti
i merr të gjitha, PARTIA QË FITON PUSHTETIN “RRIT” DHE E SHUMFISHON ANTARTËSINË DHE KUR KALON NË OPOZITË ZVOGËLOHET; pushteti korrupton edhe opozitën dhe opozita pothuajse nuk funksionon. Në Shqipëri demokracia është interes thellësisht politik dhe materialist dhe demokracia shqiptare edhe parimet e premtimet i ka mashtrime dhe retorika mashtrimi.
Nuk po bëj këtu argumentimin se përse Berisha, Rama e Meta duhet të largohen , pasi atë përditë këtë po ua bën dhe ua këkon publiku por edhe Drejtësia, Vetting-u dhe SPAK-u. Këta të tre, vetë më mirë se cdokush e dinë se janë bërë bllokadë dhe pengesë e madhe kundër të mirës së Shqipërisë e shqiptarëve.
Edhe nëse kjo ta zëmë se nuk qëndron , atëhere ju të tre duhet ta kuptoni se jeni bërë të bajatshëm dhe të neveritshëm e të bezdisshëm politikisht e publikisht vetëm nga fakti se po qëndroni gati përjetësisht atje lart ku jeni konsumuar dhe tashmë nuk e meritoni të qëndroni më tej.
Rreth jush dhe me ju të tre janë një pakicë njerëzish që kanë fituar e përfituar nga pushteti personal i juaj.
Dëgjoni opinionin e vërtetë dhe real dhe jo kastën elitare servile e mercenare politike, mediatike e intelektuale te korruptuar që mbani, e paguani dhe e përkrahni për të manipuluar opinionin. Mbështetësit tuaj besnik por jo të përgjithmonshëm i keni sepse në Shqipëri detyrat e postet shtetrore, juridike, administrative si dhe përfitimet, dekorimet, dhe autoritetin e avantazhet në Shqipëri nuk i shperndan demokracia, as ligji, as merita, as profesionalizmi, as patriotizmi e ndershmëria por ato i jep dhe ua dhuron njerëzve pushteti juaj pa kurrfarë kriteri por vetëm për servilizmin, partizantizmin, injorancën dhe korrupsionin që ka elita politike dhe ajo e pushtetit që janë vënë në shërbimin tuaj.
A E DINI SE TASHMË PUBLIKU E DIN SE JU GJITHCKA NË POLITIKË E BËNI ME QËLLIM VETËM PËR INTERESA PERSONALE DHE JO PËR INTERESIN E PËRGJITHSHËM.
Se cilët jeni ju do ishte e mjaftueshme për ta vertetuar vetëm fjalët, akuzat e vërteta dhe ato se cfarë ju keni thënë e vazhdoni t’i thoni për njëri-tjetrin gjatë këtyre 30 viteve të tranzicionit.
Nëqoftëse ju mendoni se po punoni për shqiptarët dhe për Shqipërinë, prova për këtë do të ishte vetëm largimi pa kthim i juaj si i vetmi shërbim që ju mund të bëni për shqiptarët.
Largohuni që Shqipëria të marrë frymë lirisht dhe të dalë nga ky tranzicion traumatik 30 vjecar!Largohuni që Shqipëria të clirohet nga pengmarrja juaj dhe nga korrupsioni!
Është mjerim, miopi, qorrollepsje, servilizëm dhe mercenarizëm korruptiv për ata intelektualë, mediatikë , opinionistë e gazetarë që mbajnë anë dhe mbështesin ndonjërin nga këta të tre dështakë e keqbërës politik.Partia Demokratike dhe opozita duket që si objektiv politik të vetëm kanë atë që kryetar ta kenë Sali Berishën, përderisa dhe pavarësisht se e dinë mirë se me atë kryetar nuk vjen në pushtet Partia Demokratike.
