Presidenti i Serbisë, Aleksandar Vuçiq, ka thënë me rastin e deklaratës së përfaqësuesit të SDA-së në Kuvendin Kombëtar të Bosnjë-Hercegovinës nga entiteti i RS-së, Ramiz Salkiq, se “Serbia nuk do të heqë dorë kurrë nga pretendimet e saj territoriale ndaj Bosnjë-Hercegovinës”, se çmenduria nuk ka fund dhe se këta janë njerëz që pretendojnë se serbët “kanë kryer katër gjenocid deri më tani”.
Vuçiq theksoi se, sipas tyre, serbët janë fajtorë edhe për krimet në Luftën e Dytë Botërore të kryera nga NDH dhe divizioni Hanxhar, që ishte forca kriminale e NDH-së.
“Mirëpo, ju jeni mësuar tashmë me të gjitha këto, nuk e di pse jeni të habitur”, tha Vuçiq.
Ai u sugjeroi gazetarëve të lexojnë librin e kryetarit të Presidencës së BeH, Denis Beqiroviq, i cili trajton “pretendimet territoriale të Serbisë ndaj BeH” dhe “gjenocidet serbe”.
“Lexojeni librin e tij dhe do të shihni se ai akuzon Serbinë për katër gjenocid, dhe meqë ra fjala ne e bëjmë që nga viti 1804. Çmenduria nuk ka fund”, ka theksuar Vuçiq.
Ai vlerësoi se fjala paqe është bërë e padëshirueshme në botën e sotme dhe se askush nuk do të flasë për paqen, sepse paqja paraqet disfatë për shumë njerëz.
“Kujtoni fjalët e mia, e shihni se kemi të bëjmë me të çmendur që nuk do të flasin për paqen, neve na takon ta ruajmë paqen dhe të çmendurit në mbarë botën le të bëjnë çfarë të duan”, tha Vuçiq.
Salkiq ka thënë më herët se Serbia nuk ka hequr dorë dhe as nuk do të heqë dorë nga pretendimet e saj territoriale ndaj Bosnjë-Hercegovinës, shkruan RTRS.