Agron Duka: Po vijnë zgjedhjet, a do vini tu hidhni ndonjë lopatë zhavorr rrugëve?

I keni dëgjuar deputetët e popullit kur flasin ndonjëherë të shqetësuar për gjendjen e fshatit? Në fakt, kur qëllon të thonë ndonjë fjalë, nuk janë të shqetësuar për gjendjen në të cilën ndodhet fshati, veçanërisht infrastruktura. Janë të sinqertë, thonë “si do shkojmë tu kërkojmë sërish votën”.

Në fakt, fshatarët janë mësuar që sa herë ka zgjedhje, shikojnë ndonjë kamion që vjen vërdallë duke hedhur ndonjë dorë zhavorr. Kjo shoqëruar me premtimin se do ta shtrojmë rrugën më në fund. Por mbarojnë zgjedhjet dhe rruga harrohet, si gjithmonë.

Ka raste kur edhe i shtrojnë me dy gisht asfalt, nga ai që quhet “asfalti elektoral”. Dhe ja çfarë e pret asfaltin elektoral. Pa u mbushur viti shkatërrohet, sepse të hedhësh asfalt mbi baltë, padyshim që nuk do të mbijetojë.

Kjo është gjendja e rrugëve nëpër fshatrat e Lushnjes aktualisht. Presim që me afrimin e zgjedhjeve të paktën tu hidhet ndonjë dorë çakull, sa për të mbuluar baltën.