Donald Trump do të organizojë tubimin e tij të parë në publik që pas atentatit të dështuar ndaj tij në Butler të Penslivanisë.
Trump është planifikuar t’i drejtohet një turme në Grand Rapids, Michigan, rreth orës 17:00 të shtunën. Kjo është një nga disa ndalesa të fushatës që ish-presidenti ka bërë në shtetin kyç të fushëbetejës, pasi sondazhet e tregojnë atë në një garë të ngushtë kundër Presidentit Joe Biden.
Tubimi vjen pas Konventës Kombëtare Republikane në Milwaukee, Wisconsin, ku Trump pranoi zyrtarisht nominimin presidencial të partisë së tij dhe mbajti fjalimin e tij të parë publik që nga përpjekja për vrasjen e tij.
Biden, ndërkohë, i është dashur të ndalojë ngjarjet e fushatës pasi u testua pozitiv për COVID-19. Ai vazhdon t’i rezistojë thirrjeve në rritje nga anëtarët e partisë së tij për të hequr dorë nga gara për shkak të shqetësimeve për moshën dhe aftësitë e tij njohëse.
Trump në pjesën më të madhe ka qëndruar i heshtur për dramën që trondit Partinë Demokratike, duke u fokusuar në sulmet ndaj administratës së zotit Biden në një fjalim që ai mbajti në konventën republikane.
