Ministri i Brendshëm, Taulant Balla tha në një intervistë në Euronews Albania se ka një pistë hetimi për fatin e të shumëkërkuarit Ervis Martinaj.
Sipas Ballës, çështje të kësaj natyre, kërkojnë më tepër kohë për të arritur në përfundimet e duhura.
“Policia e Shtetit e ka një pistë hetimi. Por këto janë çështje që kërkojnë kohë për t’u hetuar. Rëndësi ka që gjithçka të bazohet mbi prova dhe të konkludohet me prokurorët sa më shpejtë të jetë e mundur” –u shpreh Balla.
Në fjalën e tij, ministri tha se hetimet kryen nga prokuroria, e si të tilla edhe për çështjen në fjalë hetimet po kryen në basshkëpunim mes Policisë së Shtetit dhe Prokurorië së Posaçme kundër Korrupsionit dhe Krimit të Organizuar.
Nuredin Dumani jep urdhra nga burgu? Ja si përgjigjet ministri
Ministri i Brendshëm Taulant Balla u pyet për rastin e Nuredin Dumanit i cili arrin të flasë lirshëm nga qelia e burgut e madje ka akuza se ai nga burgu vendos gjoba dhe porosit vrasje.
I pyetur se çfarë statusi ka Nurdin Dumani përveçse i penduar i drejtësisë dhe çfarë kontrolli ka Policia e Shtetit ndaj individëve të tillë me rrezikshmëri të lartë, Balla tha:
“Etikën e ministrit të Brendshëm nuk do e thyej asnjëherë për të hyrë në vlerësime konkrete për elemente kriminalë të caktuar. Nuk i takon Ministrit të Brendshëm të japë asnjë koment, jo për këtë, por për asnjërin prej tyre.
Fatmirësisht ky person është në duart e drejtësisë. Policia e shtetit ka detyrën të gjejë, të garantojë pronat dhe ti vendosë para drejtësisë. Nga ky moment e tutje, natyrshëm policia vazhdon ti mbikëqyr, por mua nuk më lejohet të bëj asnjë koment as për rastin në fjalë e as për një rast tjetër”,-tha ministri Balla.
