Një helikopter është përplasur në një ndërtesë në fshatin irlandez Killucan, tha shefi lokal i zjarrfikësve.
Në vendngjarje kanë shkuar punonjësit e urgjencës ku ka disa viktima.
Policia irlandeze njoftoi se aksidenti ka ndodhur rreth orës 15:30 me orën lokale, raporton theguardian.
“Sipas informacioneve të para ka një numër të madh viktimash, por sërish në këtë fazë nuk mund ta konfirmojmë numrin”, ka thënë shefi i Zjarrfikësve, Pat Hunt.
Njësia e hetimit të aksidenteve ajrore të Irlandës tha se kishte dërguar një ekip inspektorësh në vendin e rrëzimit të helikopterit me një motor.
Këshilltari i Qarkut Mullingar-Kinnegad Ken Glynn i tha RTE të Irlandës se incidenti ishte “tronditës dhe tragjik” dhe se mendimet dhe lutjet e tij ishin me familjet e viktimave.
