Koha e merkatos po mbaron, kampionati po afron dhe sezoni i Napolit tashmë është duke nisur.
Të shtunën, në kalendar është ndeshja e parë e Kupës së Italisë ndaj Modenës.
Antonio Conte është i paduruar dhe po shtyn që të ketë një skuadër të plotë menjëherë.
Objektivi kryesor për sulmin mbetet Romelu Lukaku, një marrëveshje që aktualisht mbahet në gatishmëri për shkak të dështimit për të shitur Victor Osimhen.
Pavarësisht nga koha e lamtumirës së nigerianit, e përcaktuar si “e sigurt” nga “Corriere della Sera”, ideja e Napolit është që të afrohet gjithnjë e më shumë me “Big Rom”.
Për momentin oferta nga klubi i De Laurentiis është 25 milionë euro, plus 5 milionë bonuse, por Chelsea kërkon 35 plus 5 milionë. Ndërkohë, David Neres, 27-vjeçari brazilian, vjen nga Benfica dhe pritet në Napoli në orët e ardhshme.
