Një 52-vjeçar, i cili hyri për tu larë në lumin Buna është dëmtuar fizikisht, raporton gazetari Senard Nikshiq për Balkanweb.
Nuk dihen rrethanat se si u dëmtua, por 52-vjeçari është transportuar me helikopter drejt spitalit të Traumës.
Shkodër/Informacion paraprak
Rreth orës 12:25, në fshatin Dajç, shtetasi A. D., 52 vjeç, kur ka hyrë për tu larë në lumin Buna është dëmtuar fizikisht.
52-vjeçari po transportohet me helikopter në Spitalin e Traumës në Tiranë për ndërhyrje mjeksore më të specializuar.
Grupi hetimor vijon punën për sqarimin e rrethanave të kësaj ngjarjeje.
