Sekretari për çështjet Ekonomike dhe Financave në PL, Petraq Milo doli sot në një deklaratë për mediat. Milo u shpreh se krahasuar me vendet e rajonit, vendi ynë ka treguesit më të përkeqësuar të masës së pensionit. Deklarata e Sekretari për Çështjet Ekonomike dhe Financave në PL, Petraq Milo:
Krahasuar me vendet e rajonit, vendi ynë ka treguesit më të përkeqësuar të masës së pensionit. E para, është një diferencë e theksuar e masës së pensionit mesatar në Shqipëri, krahasuar me masën e pensionit në vendet e rajonit.
Masa e pensionit në Shqipëri është 1.5 herë më e ulët se në Bosnje – Hercogovinë
Masa e pensionit është rreth 2 herë më e ulët se në Kosovë
Masa e pensionit është 2 herë më e ulët se në Maqedoninë e Veriut
Masa e pensionit është 2.4 herë më e ulët se në Serbi
Masa e pensionit është dhe 2.6 herë më e ulët se në Malin e Zi.
E dyta, shkalla e zëvendësimit përsëri ngelet më e ulta krahasuar me vendet e rajonit
Masa e pensionit mesatar të pleqërisë (urbane dhe rurale) në fund të vitit 2023 në Shqipëri është 163 Euro, dhe paga mesatare bruto 662 Euro, ndërsa shkalla e zëvendësimit kundrejt pagës ishte 24.5%.
Masa e pensionit mesatar të pleqërisë në vitin 2023 në Bosnjë Hercegovinë ishte 247 Euro, dhe paga mesatare bruto 977 Euro, ndërsa shkalla e zëvendësimit 25.3%.
Masa e pensionit mesatar të pleqërisë në vitin 2023 në Kosovë ishte 310 Euro, dhe paga mesatare bruto ishte 643 Euro, ndërsa shkalla e zëvendësimit kundrejt pagës mesatare 48.0%.
Masa e pensionit mesatar të pleqërisë në Malin e Zi në vitin 2023 ishte 425 Euro, dhe paga mesatare bruto 1018 Euro, ndërsa shkalla e zëvendësimit kundrejt pagës mesatare ishte 42.0%.
Masa e pensionit mesatar të pleqërisë në Maqedoninë e Veriut në vitin 2023 ishte 320 Euro, dhe paga mesatare bruto 886 Euro, ndërsa shkalla e zëvendësimit 36.0%.
Masa e pensionit mesatar të pleqërisë në Serbi në vitin 2023 ishte 390 Euro, dhe paga mesatare bruto 1057 Euro, ndërsa shkalla e zëvendësimit 36-37%.
E treta, është një paradoks kur krahasojmë masën e pensionit me vendet e rajonit me nivelin e produktit të brendshëm bruto për frymë.
Ndërsa Shqipëria ka masën mesatare të pensionit në 163 Euro, Kosova e ka 310 Euro, dhe Maqedonia e ka 320 Euro.
Shqipëria ka masën e pensionit në rreth 2 herë më të ulët se Kosova dhe Maqedonia.
Ndërsa Shqipëria ka masën e të ardhurave për frymë afërsisht të barabartë me Maqedoninë, niveli i pensionit është dy herë më i ulët.
Ndërsa Shqipëria ka të ardhura për frymë 1.4 herë më të larta se Kosova, niveli i mesatar i pensionit është 2 herë më i ulët.
Kjo është një dëshmi e shpërndarjes jo të barabartë të përfitimeve nga rritja ekonomike, dhe të një modeli të dështuar të pensioneve.
Partia e Lirisë në programin e saj propozon :
Indeksimin e plotë të masës së pensioneve duke e llogaritur indeksimin mbi bazën e inflacionit të artikujve ushqimorë.
Indeksimin e shpeshtë, brenda vitit, të masës së pensioneve në rastet e krizave apo pandemive, për shkak të rritjes së shpejtë të çmimeve.
Rritjen e pensioneve me nivelin e rritjes reale ekonomike, për ta bërë rritjen ekonomike gjithëpërfshirëse,
Të konsiderohet një prioritet rritja e të ardhurave të pensionit për kategoritë të cilat jetojnë në kushtet e varfërisë nën 6.85 $ në ditë,
Duhet të përfundojë strategjia e reformës së pensioneve, përfshi implementimin e shtyllës së dytë të pensioneve, me qellim të rritjes së masës së pensioneve,
Me synimin e dyfishimit të masës së pensioneve për të arritur në nivelin e mesateres së rajonit.
