Këshilli Bashkiak i Venecias ka njoftuar se qyteti ka nevojë për gondolierë të rinj, në një përpjekje për të siguruar që tradita gati 1000-vjeçare të vazhdojë.
Kushtet përfshijnë që kandidatët të jenë 18 vjeç e lart, të kenë arsim të mesëm, të dinë të notojnë dhe të kenë një certifikatë mjekësore që vërteton një “kushtetutë të shëndetshme dhe të fortë”, si dhe të jenë shtetas të BE-së.
Pas kësaj, vijon kursi i trajnimit Art of Gondolier, dhe është e mundur të punësoheni nëse kandidatët dëshmojnë se dinë të vozisin ose tregojnë potencialin për ta zhvilluar atë aftësi, transmeton Guardian.
Ky profesion dikur ishte ekskluzivisht mashkullor dhe kalohej nga babai tek djali, dhe sot në Venecia ka gjithsej 433 gondolierë, duke përfshirë 14 gra.
