Për herë të parë që nga Lufta e Dytë Botërore, Rusia është pushtuar ushtarakisht nga një komb tjetër. Më e përafërta me këtë është konflikti kufitar kino-sovjetik i vitit 1969!
Një tronditje për Moskën dhe për ekspertët e mbarë botëns që kur hyri Ukraina në territorin e Rusisë!
– Nëse ukrainasit arrijnë të tërhiqen nga Rusia pa humbur shumë ushtarë, atëherë kjo do të jetë një fitore e madhe, por ende është herët për të thënë diçka të sigurt, thotë Peter Viggo Jakobsen në Akademinë Daneze!
– Nëse përfundon ky aksion me humbjen e një numri t’madh të ushtarëve si dhe materialit të shumtë ushtarak, kjo nuk do të kishte qenë një investim i qëlluar, thotë ai për VG.
Këtu më poshtë janë 11 arsyet e mundshme pse Ukraina zgjodhi të hyjë në Rusi me ushtarët e saj:
1).Të zbulohen dobësitë e Rusisë!
Ukraina donte të tregonte se Rusia nuk i ka siguruar mjaft mirë zonat e saj kufitare.
– Ata zbuluan se rusët kishin disa zona të mëdha ku nuk kishte as ushtarë të mjaftueshëm dhe as pajisje moderne. Përmes inteligjencës së tyre, ata zbuluan se kishte pak ushtarë rusë dhe të trajnuar dobët në këto zona dhe se ata gjithashtu nuk kishin pajisje të avancuara për të zbuluar dronët ukrainas, thotë Peter Viggo Jakobsen në Akademinë Daneze të Mbrojtjes.
2).Të detyrohet Rusia që të shpërndan forcat ushtarake!
Sulmet e Ukrainës në Rusi nënkuptojnë se Rusia duhet të lëvizë ushtarët dhe pajisjet në këto zona, në mënyrë që të shtyjë forcat ukrainase nëse është e mundur.
– Ukrainasit e kanë poshtëruar Putinin, duke treguar se edhe Rusia mund të sulmohet! Kjo e vendos Rusinë në një dilemë: pra, ata duhet të mendojnë për sigurinë e tanë kufirit dhe të mbledhin forcat përgjatë një fronti më të gjatë, tha shefi i Mbrojtjes Eirik Kristoffersen për VG këtë javë.
Think-tanku ISW (Instituti për Studimin e Luftës) shkruan se Rusia bazohet kryesisht në sjelljen e ushtarëve nga zona më pak të pasigurta, por se mund të jetë gjithashtu e rëndësishme sjellja e forcave nga rajoni i Donetst-it.
3).Rusët të ndjejnë luftën në lëkurën e vetë!
Rusi i zakonshëm, nuk e ka vënë re luftën deri tani. Sipas autoriteteve ruse, të paktën 120,000 njerëz janë evakuuar si rezultat i luftimeve. Në Telegram, drejtuesit lokalë pranojnë se situata është e pasigurt.
– Putini është përpjekur të mbrajë larg nga lufta, rusët e zakonshëm, tani kjo bëhet më e vështirë, sepse tani për tani, janë kryesisht rekrutët e zakonshëm, ata që mbrojnë kufijtë, thotë Peter Viggo Jakobsen.
4). Morali i ukrainasve të mbërrijë kulmin!
Ukraina ka vuajtur për një kohë të gjatë në këtë luftë. Ofensiva e vitit të kaluar ishte e pasuksesshme. Tani Kievi po vazhdon atë që po ndodh, tani për gjithçka që ia vlen, për shembull, duke u treguar ushtarët e robëruar, duke hequr flamujt rusë në zonat që kanë marrë.
– Dihet se për një periudhë të gjatë kohore, gjërat kanë shkuar keq për ukrainasit, ata nuk kanë pasur sukses në ofensivën e tyre, ata duhet të tregojnë se mund të bëjnë mrekulli dhe në këtë mënyrë, rrisin moralin për popullatën, por edhe për ushtarët ukrainas, thotë Peter Viggo Jakobsen.
5).Të humbet prestigji i Putinit!
Sulmet e Ukrainës në Rusi janë një lajm i keq për presidentin,!
– Është një humbje shumë e madhe prestigji për Putinin. Narrativa e Putinit për rusët është, se ai është një njeri i fortë që mund t’i mbrojë ata, thotë Peter Viggo Jakobsen në Akademinë Daneze të Mbrojtjes.
– Putin nuk ishte i përgatitur të ndaloj ushtarët ukrainas të mos hynin në Rusi. Kjo është poshtëruese për të, mendon Inna Sangaxhieva nga Komiteti i Helsinkit.
6). Të shpjegohet problemi !
Përderisa edhe më shumë rusë e ndjejnë këtë luftë në lëkurën e tyre, edhe më shumë njerëz mund t’i thonë, jo luftës!
-Atëherë kur ushtarët pro-ukrainas kryenin aksione në këtë pranverë, në rajonet e Belgorod dhe Kursk, autoritetet ruse nuk u imorën fare seriozisht me problemin, tani shpërfaqet e vërteta për njerëzit e vetë, thotë Inna Sangaxhieva.
Ajo beson se Kievi ka qenë i vetëdijshëm për këtë.
7). Të shfaqet zemrimi i Putinit!
Sipas ISW, Putin ka emëruar këshilltarin presidencial Aleksey Dyumin për të udhëhequr “operacionin anti-terrorist” të Rusisë në rajonin e Kurskut.
Blogerët ushtarakë rusë spekulojnë se kjo bëhet për shkak se Putini është i pakënaqur me miqtë e tij të vjetër në inteligjencë dhe në ushtri.
Sipas Putinit, “Ukraina nuk ka arritur të destabilizojë situatën në Rusi, kështu beson Putini, “ata po përpiqen të bëjnë këtë”. Ai pretendon, “kinse se gjithnjë e më shumë njerëz po regjistrohen për shërbim në front”!
8). Të përqahet Moska!
Një numër gjeneralësh janë arrestuar dhe akuzohen gjatë muajve të fundit. Putin ka ndryshuar gjithashtu ministrin e mbrojtjes dhe ka emëruar civilin Andrej Belousov në këtë detyrë. Ministrat rusë të mbrojtjes janë zakonisht ushtarakë.
“Kjo kthehet në marshimin e Yevgeny Prigozhin drejt Moskës në qershorin vitit 2023. Putini ka punuar intensivisht për të zbuluar se kush e mbështeti Prigozhin, për t’i hequr qafe”, thotë Inna Sangadzhieva nga Komiteti i Helsinkit.
– Kjo ka të bëjë edhe me luftën e Putinit për të mbajtur pushtetin.
9).Gratë të ngriten kundër Putinit!
Ukraika e kupton se një nga shpresat kryesore është në vendosjen e shkopinjve në rrotat e Putinit.
– Ky sulm ua hap sytë shumë rusëve, për faktin se Moska nuk ka plan për luftën. Nënat, gratë dhe vajzat e ushtarëve i dërgojnë video-mesazhet e tyre Putinit duke thënë se ato gjithmonë e kanë mbështetur atë, por se duan që djemtë dhe burrat e tyre të kthehen nga ferri i rajonit të Donetskut, thotë Inna Sangadzhieva.
– Kjo është njëra, kurse tjetra dhimbje e kokës së Putinit është ekonomia!
10).Telashe propagandistike!
Televizionet ruse dhe emisionet propagandistike kanë filluar të futen në telashe. E kanë të vështirë të shpjegojnë ofensivën e palës ukrainase.
– Ata nuk mund të vendosin për të thënë diçka konkrete, janë pa tekst. Ata duhet të thonë se NATO qëndron pas kësaj, thotë Inna Sangadzhieva.
– Ata duhet të shkatërrohen pa mëshirë me gjithë brutalitetin e pa kursyer thotë një nga kryepropagandistët, Sergej Mardan, në TV rus për ukrainasit!
11).Një portë ndryshimi!
“Çfarë lloj negociatash mund të ketë me njerëzit që sulmojnë pa dallim civilët dhe infrastrukturën civile, ose përpiqen të paraqesin kërcënime për termocentralet bërthamore”? Kjo është pyetja e Putinit në fillimin e kësaj jave.
Eksperti i njohur ukrainas Anton Gerashchenko,përkufizon shprehjen e Putinit, si një dëshirë të nëanshme Kremlinit!
ISW ende konsideron se Kremlini është i interesuar vetëm për një zgjidhje të negociuar, që rezulton në kapitullim të plotë të Ukrainës dhe se çdo deklaratë ruse për të kundërtën ka për qëllim të mashtrojë Perëndimin për të bërë kompromise mbi sovranitetin dhe integritetin territorial të Ukrainës.
-Kjo është kërkesë e vazhdueshme e palës ruse që Ukraina të heqë dorë nga gjithçka që kanë marrë rusët, nuk bëhet fjalë për ndonjë tërheqje nga territoret e pushtuara. Si rezultat i këtij mentaliteti, të gjitha negociatat bëhen të pakuptimta, thotë eksperti dhe autori suedez i Rusisë, Stig Fredrikson për VG.
