Policia e Tiranës ka arrestuar një 39-vjeçare, pasi ka goditur një punonjës policie.
Ngjarja ka ndodhur në Spitalin e Traumës, ndërsa përveç policit, 39-vjeçarja ka goditur edhe një punonjës për shërbimin privat të sigurisë fizike.
Arsyet ende nuk dihen, ndërsa gruaja është arrestuar për veprat penale “Kundërshtimi i punonjësit të policisë së rendit publik” dhe “Goditjet për shkak të detyrës”
“Specialistët për Hetimin e Krimeve të Komisariatit të Policisë Nr. 3 arrestuan shtetasen H. D., 39 vjeçe, banuese në Tiranë, për veprat penale “Kundërshtimi i punonjësit të policisë së rendit publik” dhe “Goditjet për shkak të detyrës”, parashikuar nga nenet 236 dhe 237 të Kodit Penal. Kjo shtetase, në ambientet e SUT, ka kundërshtuar me forcë e ka goditur një punonjës Policie dhe një punonjës për shërbimin privat të sigurisë fizike”, njofton policia.
