Një 64 -vjeçar ka tentuar t’i japë fund jetës duke u lyer me benzinë dhe duke i vënë flakën vetes në banesën e tij.
Ngjarja është raportuar rreth orës 11:10 të mëngjesit, kur 64-vjeçari është paraqitur në spitalin e Fierit me plagë të rënda në trup.
Shtetasi Sh. M., banues në Ballsh, dyshohet se vuan nga probleme të shëndetit mendor.
Aktualisht, i lënduari ndodhet në spitalin rajonal të Fierit, ku është nën kujdesin e stafit mjekësor në gjendje të rëndë shëndetësore.
Policia dhe grupi hetimor po vijojnë punën për dokumentimin e plotë të ngjarjes.
