Kërkimet për gjashtë persona të zhdukur pasi një jaht luksoz me flamur britanik i fundos në brigjet e Siçilisë, në orët e para të së hënës ka hyrë në ditën e tretë, ndërsa shpresat për mbijetesë janë shuar. Mes të zhdukurve janë manjati britanik i teknologjisë Mike Lynch dhe vajza e tij 18-vjeçare Hannah, kreu i bankës “Morgan Stanley International”, Jonathan Bloomer, gruaja e tij, Judy Bloomer, e po ashtu avokati Chris Morvillo dhe gruaja e tij Neda Morvillo, raporton BBC.
Trupi i një burri, për të cilin raportohet se është shefi i varkës, Recaldo Thomas, është nxjerrë nga uji. Përpjekjet për të hyrë në kabinat e jahtit, i cili është zhytur në rreth 50 metra nën ujë, kanë rezultuar shumë komplekse për zhytësit. Ekspertët po përdorin automjete nënujore të telekomanduara për të ndihmuar në hyrjen në jahtin Bayesian. Këto automjete janë në gjendje të operojnë në shtratin e detit për më gjatë se zhytësit dhe shpëtimtarët.
