Arsenali ka mposhtur me rezultatin e pastër 2-0 Aston Villën në ndeshjen e vlefshme për javën e dytë të sezonit në Premier League.
Leandro Trossard dhe Thomas Partey shënuan golat në minutat 67 dhe 77 për fitoren e dytë radhazi të “Topçinjve”.
Kjo fitore në Villa Park është “hakmarrje” e Arsenalit.
Sezonin e shkuar Villa ishte ekipi i vetëm që e mposhti dy herë duke i hequr nga duart titullin e kampionit.
Për Arsenalin ishte fitorja e dytë, duke mos pësuar ende asnjë gol, ndërsa Aston Villa mbetet me tri pikë nga fitorja e xhiros së parë ndaj West Hamit.
