Ballina Kronika ‘Fole’ prostitucioni në Tiranë, arrestohet në Rinas ‘tutorja’ tjetër kineze! Rekrutonin vajza...

‘Fole’ prostitucioni në Tiranë, arrestohet në Rinas ‘tutorja’ tjetër kineze! Rekrutonin vajza nga Kina dhe Filipinet dhe i shfrytëzonin për eskorta

13
0

Dy ditë pas goditjes së një rrjeti prostitucioni në Tiranë, është arrestuar edhe një 38-vjeçare tjetër kineze, e cila bashkë me bashkëkombësen e saj rekrutonin vajza nga Kina dhe Filipinet dhe i shfrytëzonin për prostitucion në Tiranë.

38-vjeçarja Na Dong, banuese në Tiranë u arrestua në Rinas, në përpjekje për të kaluar nga pika kufitare. Na Dong së bashku me Yhong Yang, 52 vjeçe, e arrestuar dy ditë më parë, kishin krijuar një rrjet prostitucioni në kryeqytet.

Sipas policisë ‘në momentin që vajzat e rekrutuara kërkonin të tërhiqeshin nga ky aktivitet kriminal, dy të arrestuarat, me anë të fotove të publikuara në faqen “Escort Tirana”, ushtronin dhunë ndaj tyre dhe presion ndaj familjarëve të vajzave të rekturuara.

Në një rast, Policia e Tiranës thotë se 38 vjeçarja,  i ka marrë njërës prej vajzave 15 mijë euro, duke e kanosur dhe bërë presion me anë të fotove erotike, pasi ajo kishte kërkuar të heqë dorë nga ky aktivitet kriminal.

‘Tutoret’ kineze arrinin të rekrutonte vajza të reja nga Kina dhe nga Filipinet, të cilat i prisnin në Rinas dhe më pas i dërgonte në ambientin e marrë me qira në afërsi të Prokurorisë së Tiranës. Këtu realizoheshin fotot erotike të vajzave dhe reklamoheshin me pas në faqen “Escort Tirana”. Çmimi për shërbimet seksuale nga vajzat varionte nga 150 deri në 300 euro dhe prostitucioni ushtrohej nëpër apartamente ‘Airbnb’, në zona të ndryshme të Tiranës.