Ministri i Financave Petrit Malaj ka prezantuar sot (4 tetor) Drejtorin e ri të Përgjithshëm të Tatimeve, Ilir Binaj.
Ky i fundit ka garantuar se do të çojë përpara reformat e nisura nga administrata tatimore.
Po ashtu, Binaj ka shprehur një prej prioriteteve të punës së tij, që do të jetë garantimi me sukses i zbatimit të Strategjisë Afatmesme të të Ardhurave 2024-2027.
“Prezantova sot Drejtorin e ri të Përgjithshëm të Tatimeve z. Ilir Binaj, para drejtuesve të drejtorive rajonale dhe qendrore të Administratës Tatimore.
Z. Binaj vjen nga një karrierrë e spikatur profesionale në fushën e kontabilitetit dhe nga sot do të çojë përpara reformat e nisura nga administrata tatimore.
Falënderova gjithashtu dhe znj. Elidjana Çela për punën e mirë të deritanishme dhe angazhimin e saj, e cila do të vijojë të mbajë detyrën si Drejtoreshë e Tatimpaguesve të Mëdhenj, duke e ushtruar me profesionalizëm”, bën me dije ministri Malaj.
