Deputeti i PD-së, Dashnor Sula, ka folur për aksionin opozitar dhe për përplasjet në Kuvend mes opozitës dhe mazhorancës, pas burgosjes së Ervin Salianjit. Gjatë një interviste televizive, Sula ka zbuluar dhe kërcënimin që ka marrë nga një eksponent i PS-së, emrin e të cilit nuk ka dashur ta bëjë me dije, se Ervin Salianji do të vazhdojë të qëndrojë në burg.
Sipas Sulës, kur e thotë një eksponent i PS-së që do të rrijë në burg domethënë që kanë garanci të të dënojnë.
“Unë nuk jam nga ata që kam frikë. Unë kam një gjë të re që nuk do ta them emrin absolutisht, është një eksponent i PS-së që më ka thënë mua, sepse i kam të gjitha të dokumentuara që më thotë: Ai do të rrijë prapë në burg sepse do ta denoncoj edhe unë tani. Nuk ka rëndësi se kush. Kur e thotë eksponenti i PS-së që ai do të rrijë në burg akoma, d.m.th. këta kanë garanci të të dënojnë. Kjo është diferenca,” tha Sula.
