Barcelona fiton 0-3 ndaj Alaves në La Liga, në transfertën e Estadio Mendizorrotza (Vitoria-Gasteiz).
Një ndeshje pa histori, me Robert Lewandowskin që tregoi klasin e tij, duke realizuar 3 herë. Polaku shënoi në minutën e shtatë, ndërsa dyfishoi në të 22-tën. 10 minuta më pas, 36-vjeçari thelloi shifrat.
Vendasit u përpoqën që të rifuteshin në lojë, pa rezultat. Goli i Martinez në fundin e pjesës së parë u konsiderua i parregullt, pas ndërhyrjes së sistemit VAR.
Të besuarit e Flick kryesojnë kampionatin me 24 pikë, 3 pikë më shumë se Reali ndjekës. Alaves, renditet në vendin e 12-të.
