LeBron James dhe i biri i tij, Bronny James, kanë luajtur për herë të parë bashkë në një ndeshje profesionale.
19-vjeçari u draftua sivjet nga Los Angeles Lakers, klubi në të cilin luan i ati i tij legjendar, duke u bërë dyshja e parë baba-e-bir në historinë e ligës më të fortë në basketboll, NBA.
Përballja e Lakersave erdhi ndaj Phoenix Suns në kuadër të ndeshjeve parasezonale, e të cilën e fituan Verdh e Vjollcët me rezultat 118:114.
Përderisa Jamesi i vjetër ishte pikëshënuesi më i mirë në ndeshje me 19 të tilla, i riu nuk dha pikë, por kontribuoi me dy kërcime.
