Jennifer Lopez ka folur për herë të parë për divorcin e saj nga Ben Affleck. Çifti arriti të rilidhej pas shume vitesh pasi ishin çift deri në vitin 2002 kur u fejuan.
Mirëpo, lumturia e tyre nuk zgjati shumë, vetëm dy vjet, pasi ylli latin ka paraqitur kërkesën për divorc nga aktori, duke përmendur “dallimet e papajtueshme”. Madje, ajo shkruante në dokumente se ata ishin ndarë që në 26 prill, dy vite pas martesës.
Duke folur për revistën Interview, Jennifer Lopez nuk u fut në detaje për arsyet që çuan në ndarjen e tyre, por pranoi se kjo përvojë ishte pjesë e një mësimi që duhej të mësonte për jetën e saj.
“Ka raste kur mendoj se çfarë nuk shkon dhe më pas papritur jeta të hedh diçka tjetër për të parë nëse e ke mësuar mësimin. Dhe duket se nuk e kisha kuptuar në mënyrë kaq të thellë deri më tani. Sigurisht, kjo nuk do të thotë se nuk do të bëj gabime në të ardhmen. Kur e gjithë shtëpia juaj shembet, ju thjesht qëndroni në rrënoja dhe thoni “çfarë mund të bëj që kjo të mos përsëritet?”. Ti e shikon pak nga pak dhe thua “ok, ndodhi, ky ishte roli im, këtë duhet ta kisha parë më herët, këtë nuk e shikoja” , tha ajo.
Siç e përmendi më pas, është e rëndësishme që të jetë në gjendje të kalojë mirë vetëm, pasi vetëm kështu ajo do të jetë mirë me dikë tjetër. “Duhet të jesh e kompletuar nëse dëshiron diçka më të plotë. Duhet të jesh mirë vetë”, thotë ajo.
“Mendova se e kisha mësuar këtë, por jo. Më pas erdhi kjo verë dhe unë thashë: “Duhet të iki dhe të jem vetëm, dua t’i tregoj vetes se mund ta bëjë këtë”.
Sigurisht, kjo nuk ishte gjithmonë e lehtë, siç e pranon ajo. Ajo dha shembullin e ditëlindjes së saj në Hamptons. “Ndihesha e vetmuar, si e huaj, ishte e frikshme. Ndihesha e trishtuar, u ndjeva e pashpresë. Por kur i ndjen të gjitha këto, thua “këto gjëra nuk do të më vrasin”. Përkundrazi, duhet të të bëjnë të kuptosh se lumturinë mund ta ndjesh vetë”, thotë ajo.
Gjithashtu ajo theksoi se nuk dëshiron të përkufizohet nga një marrëdhënie dhe as të kërkojë lumturinë tek dikush tjetër. “Unë nuk mund të kërkoj lumturinë tek njerëzit e tjerë. Duhet ta kem brenda meje. Dikur thosha se isha një person i lumtur, por ende kërkoja diçka për të mbushur disa zbrazëti. Por tani po mendoj ‘jo, ti je vërtet e mirë në vetvete’, vuri në dukje ajo.
Së fundi, ajo ka deklaruar se tashmë është “e emocionuar” që është beqare. “Nuk po kërkoj askënd, sepse kam bërë shumë gjëra në 25, 30 vitet e fundit, duke qenë në këto situata të ndryshme. Pra, unë mund të fluturoj vetëm tani. Por të jem thjesht i lirë?” , deklaroi ajo në mbyllje.
