Futbolli turk është tronditur nga një skandal seksual ku janë përfshirë një gjyqtare dhe një delegat, të dy punonjës të Federatës Turke të Futbollit.
Në rrjetet sociale po shpërndahet një regjistrim i marrëdhënies së përmendur ndërmjet gjyqtares Elif Karaarslan (24), ish-futbolliste e Beshiktashit, dhe delegatit Orhan Erdemir (61).
Federata ka përjashtuar nga futbolli Karaarslan dhe Erdemir (61), i cili për tre vjet ka qenë edhe gjyqtar ndërkombëtar. Por, Karaarslan ka kundërshtuar vendimin në Instagram:
“Kam një rrugë të gjatë përpara, por do ta kapërcej në mënyrën më të fortë dhe më të vendosur. Të qarat, të bërtiturat dhe trishtimi nuk janë ato që bëj. Do të luftoj për veten time deri në fund. Unë jam vetëm njëra nga personat e shumtë të lënduar dhe shpresojmë të jem e fundit”.
Avokati i saj tha se videoja e cila po qarkullon në internet është e montuar dhe e krijuar tërësisht nga inteligjenca artificiale nga profili i një personi të tretë në rrjetet sociale.
“Nëse e studioni videon, ju mund të shihni qartë se imazhi nuk është i qartë dhe se kompjuteri bashkoi njerëzit në lidhje me të. Kjo video është bërë me qëllim të keq. Nuk ka asnjë lidhje me atë që pretendohet, se është krijuar në profilet e klientit tim Elif Karaarslan. Ne kemi identifikuar profile në rrjetet sociale që krijojnë dhe shpërndajnë këtë përmbajtje ofenduese dhe false, dhe do të nisim procedimin ndaj autorëve të tyre”, ka thënë ai.
