Legjenda e aktrimit francez, Gérard Depardieu ka kërkuar që gjyqi i tij për ngacmim seksual të shtyhet për arsye shëndetësore.
”Për fat të keq mjekët e tij e kanë ndaluar që të paraqitet në seancë”, theksoi avokati i ikonës së kinemasë, Jérémie Assous.
75-vjeçari kërkoi që data të shtyhej në mënyrë që të mund të merrte pjesë personalisht.
Çështja ka të bëjë me dy incidente të supozuara që kanë ndodhur në vitin 2021 gjatë xhirimeve të filmit “Les Volets Verts” (“The Green Shutters”) nga regjisori Jean Becker.
Nëse shpallet fajtor, aktori përballet me deri në pesë vjet burg dhe një gjobë prej 75 000 euro e cila ka të ngjarë të sjellë fundin e karrierës së tij.
Prokuroria e Parisit njoftoi se kërkesa për shtyrje do të duhet të paraqitet zyrtarisht gjatë seancës së pasdites.
Më pas gjykata do të vendosë nëse do të japë një zgjatje.
Depardieu, një veteran i kinemasë franceze, është përballur me akuza të shumta për sjellje të pahijshme seksuale vitet e fundit.
