Kreu i këshillit Bashkiak të Durrësit dhe aktualisht edhe drejtor i Spitalit Rajonal po të Durrësit, An Dyrmishi nuk do të jetë në këtë fushatë drejtuesi politik për njësinë vendore Katundi i Ri, njësi të cilën e ka mbuluar për afro 12 vite.
Lajmi është bërë i ditur nga burime pranë Luan Zazës i cili është shprehur se Dyrmishi ka humbur reputacionin në PS. Edhe pse nuk ka një vendim të prerë në këtë drejtim, duket se ka qenë vetë Rama ai që ka urdhëruar largimin nga menaxhimi politik i Dyrmishit në njësinë bastion të PD që për 30 vjet PS nuk e ka fituar asnjëherë. Ani (burri) se Ani i thërrasin edhe kryebashkiakes, është një nga njerëzit më të lidhur me Sakon dhe duket se të gjithë vendimet që janë marrë nga të dy, në këshillin bashkiak po bëjnë njërin kurban. Sako e emëruar nga Rama si drejtuese politike duket se do ta zgjasë edhe pak SPAK-un, ndërsa Dyrmishi ka kohë që e ka bërë si çamçakiz. Madje batuta që qarkullon në Durrës është se sa herë duhet të bëhet ndonjë gjë jashtë ligjit çojnë An Dyrmishin drejtor, pastaj për shkak edhe të gjendjes së tij emocionale e çojnë të punojë në shëndetësi ose te spitali që ta ketë serumin afër.
Akuzat e An Dyrmishit lidhen fillimisht me menaxhimin që ai i bëri HSH. Ai është një nga njerëzit që ka firmosur aty skandalin dhe që po hetohet nga organizmat e huaja. Duke qenë njeriu që kishte mbështetjen e Dakos, që e ka edhe tani, po Dakon nuk e mbajnë as shkallët e veta, An Dyrmishi u fut në një rreth vicioz me ata vendime që mori sapo u emërua në këshillin bashkiak. Madje do ti lehtësoj dhe pak punë Sakos. Emërimi i tij në drejtimin e HSH ishte sinjali i parë i një skandali që do të ndodhte dhe vazhdon të jetë pjesë e hetimit. Ai firmosi për ta larguar më pas nga HSH nje tender që do të ketë avaze të gjata.
Gjithsesi në një rotacion drejtorësh ku vazhdon të firmosë skandale në këshillin bashkiak duke shfrytëzuar votat e shumicës edhe ndonjë thithje të vogël para mbledhjes, Dyrmishi është thjeshtë i qetë sepse ka afër serumin. Por ndërsa ka fituar besimin në vete, ai nuk mund të mbajë besimin e partisë të cilët kanë vendosur ta heqin nga drejtues politik në njësinë vendore Katundi i Ri, ku dihet që Fshati Rinia ka qenë një kontribut i tij falë edhe një lidhje që ai bënte publike me Milva Ikonomin deputeten që mbulonte atë zonë.
Burime nga zyra Zazës kanë bërë të ditur për Bulevard se tashmë ai nuk do të jetë më drejtues politik në këtë njësi dhe madje kanë paralajmëruar se as edhe vetë depuetja Milva nuk do të kandidojë më aty. Ajo që ende nuk është e konfirmuar, por që po qarkullon koridorëve të PS, që sa vijnë e ngushtohen është se Hazbi Lika, Drejtori Rajonal i Arsimit do të jetë zëvendësuesi i An Dyrmishit. Lika që mban këtë detyrë që nga mandate i tretë i Ramës është një nga familjet e njohur të asaj zone, duke qenë të ardhur nga persekutimi komunist. Madje Lika ka qenë një nga njerëzit nismëtarë të formimit të PD në atë zonë. Edhe pse nuk ka një konfirmim zyrtar, Hazbi Lika ka një mbështetje prej tri mandatesh për Rilindjen dhe gëzon reputacion në atë zonë.
