Nga Artur Llana
Kryeministri i vendit ka tërhequr vëmendjen sot, ndërsa ishte në një takim në Hungari me një çift romantik mjelmash që në ka hapur shumë polemika dhe batuta në rrjetet sociale. Edi Rama është i njohur për postimet e tij në pikë të mëngjesit, dhe deri tani nuk ka lënë rrugicë, rrugë, të shembura dhe të pambaruara, bujtinë, gardh, kuaj në ndërzim e sipër në malësitë e Kukësit, zogj harabela, nevojtore, tualete, shkolla, kopshte, dhe të gjitha këto i ka bërë si një buqetë që po ja servir shqiptarëve për të avancuar rrugën evropiane.
Që një kryeministër është në të drejtën edhe të budallëkut të atyre që e rrethojnë për konsulenca që i japin, kjo është e drejtë e tij dhe një ditë me siguri siç po ja sheh hajrin tani, do ja shoh përsëri. Kryeministri njihet edhe për natyrën e tij, ku çdo gjë artistike, falë edhe formimit të tij e tërheq. Në fakt nuk ja vlen të merresh me postime të marra nga kopjuteri dhe më pas të shembet tuneli. Ajo që ishte e veçantë sot kishte të bënte me një postim të dy shpendëve, ndoshta mjelma nga liqeni i Pogradecit, që njëra ngjante si anija me emigrant e Melonit dhe tjetra si anija me mbetje toksike që prokuroria do ta mbajë në kujdes të rreptë pasi e lejojë të ankorohet në një vend të sigurtë në Durrës.
Që është e drejta e tij dhe vetëm e tij për të prodhuar lajmin e parë në shumicë të rastëve “ngazëllyes” për atë që ndodh në vend, kjo përsëri nuk përbën asnjë problem me përjashtim të mediave që presin sa të “pjerdh” ai në mëngjes për t’i gjetur vendin rubrikës. Jo gjithmonë funksionon si kronikë. Edhe kjo është punë e tyre.
Ajo që më bëri përshtypje ishte se duke dashur ti shpjegoj dy miqëve të mi, natyrisht të huaj, fluksin e lartë të turistëve, interesimin për klimën, diellin e Durrësit, 3 mijë vite që i ka hedhur supëve, na doli ai çifti nga Pogradeci, ku njëra i ngjante Spiropalit dhe tjetra Peleshit. Një herë mu duken si ata të kronikës së zezë që ishin zënë dhe i kishte arrestuar policia, po pastaj herë njëra më ngjante me Ani Sakon dhe tjetri me Alban Ramohitajn.
Njohës të mirë të internetit, të faqeve që në dukje disponojnë institucionet, nga mjelmat që do i ishin mërzitur edhe Lasgushit, më shpëtoi distanca e largët. Por ajo që ndjeva më pas ishte e turpshme dhe ndërsa mundohesha të justifikoja gjithçka më dilte para Kryeministri që më kujton një kryetar bashkie të PD, që thonte se duke qenë i gjatë kam favore të mëdha.
Pasi i shpëtova të gjithë kurtheve të tyre, duke i endur në amfiteatër e duke i thënë se edhe pak ka ngelur për t’u zbuluar, pasi desha ti tregoj pusin para bashkisë po ishin ca femije rom, që nuk di a luanin me shatarvanin apo me bilushët e tyre, pasi i shpjegova se jem qytet pa kinema, pa bibliotekë, pallatin e kulturës e kemi për aktivite politike, muzeun etnografik po e ndreqim këto muaj, më kërkuan Muzeun Arkeologjik.
I thashë se është shumë i dëmtuar dhe po i nënshtrohet një rikonstruksioni të madh, aq të madh sa ka tre vjet që dy puntorë që punojnë aty luajnë vetëm ‘lojën nonç” dhe dalin gjatë tetë orëshit, 87 me 86. E kur i afrohesh afër asaj godine ndjen një trishtim që nuk ka të bëjë me mjelmat, ka të bëjë me mënyrën se si sillen pushtetarët me kulturën. Ashtu e përdhosën edhe në ’97, kur vodhën nga aty gjërat më me vlerë dhe këtë nuk e bënin dot rojet.
Dy tabelat që tregojnë se aty po punohet, njëra që i ngjan një pate, që nuk ka shpresë mbijetese dhe tjetra njërës nga ato mjelmat e fotos kryeministrit, janë turpi më i madh i atyre që duhet të përgjigjen për këtë.
Fonde ka, po çalojmë në organizim i qetësova, ndërsa ata shihnin ca grumbuj me zhavorr, asnjë mjet, një puntor ulur te shkallët që i thërriste atij që po bënte shurrën se a do vinte apo ta linte fare punën.
Po për t’u rikthyer përsëri te mjelmat e Ramës që të veshur me nga një jelek mjelmash, të dy puntorët, madje njëri na përshëndeti duke e shkundur mirë, na thanë se nuk ka fonde e po punojnë me staf të redkutuar.
Muzeu Arkeologjik i Durrësit u tha se është dëmtuar, madje shumë, pas tërmetit dhe dëmtimi ka prekur strukturën, ndërsa materialet me ose pa inventar shëtisin magazinave pa asnjë lloj survejimi dhe aq më shumë pa asnjë lloj kujdesi kur dihet se janë identiteti 3 mijë vjeçar i qytetit. Të interesuar për më shumë detaje, pasi i hodhën edhe një sy tabelës që për dreq është me data, më pyetën se ku janë paisjet e rënda që punojnë për rindërtimin e strukturës. Më pas ku ishin puntorët dhe ku ishin ata që monitoronin punimet. Gjeta një mik te lokali dhe i thashë se ai ishte inxhinieri, po edhe ai ma ktheu keq duke thënë se nuk i jep votë këtyre legenave mo.
Deri këtu nuk ka asgjë për humor, madje është një trishtim i madh. Deri këtu nuk ka asgjë për të fshehur se nuk e fsheh dot. Deri këtu është një kambanë alarmi që një kryeministër i një vendi që po thith turistët, që po tërheq vëmendjen e tyre, qytetin 3 mije vjeçar e ka lënë pa muze arkeologjik.
Dhe këtë fakt nuk e shpjegon dot as drejtori, që i fut i xhiro andej nga selia e PS, as kryebashkiakja, as ministrja, nuk i japin drejtim as ata që kanë hedhur lekët, as ata që kanë bërë projektin e rehabilitimit, as ata që e monitorojnë.
Restaurimi i Muzeut Arkeologjik po realizohet me një fond 348 milion lekë ose rreth 3.2 milion euro. I financuar nga Bashkimi Evropian, zhvilluesi i projektit është Zyra e Kombeve të Bashkuara për Shërbimet e Projekteve, e njohur si UNOPS, në bashkëpunim me Ministrinë e Kulturës. Sipas tabelës informuese të vendosur në hyrje të objektit, punimet nisën në nëntorin e vitit 2022 dhe do të përfundojnë pas 17 muajsh. Por kur kanë kaluar kaq muaj ato duken ende larg përfundimit.
Por çfarë po ndodh që nga 17 muaj kanë kaluar vite që nuk përfundojnë punimet. Çfarë po ndodh që gojët e liga thonë se janë dhënë përsëri fonde shtesë, shumë e konsiderueshëm. Cfarë po ndodh me firmën që ka marrë përsipër kryerjen e punimeve? Përse nuk jep askush përgjigje për thesarin e qytetit 3 mijë vjeçar. Diellin dhe temperaturat Durrësit nuk ja ka dhënë PS, as deputetët debila që fotografojnë banorët e lagjes si turistë. Ai muze është Durrësi i shekujve. Ai muze qëndron i mbyllur qëllimisht, pasi fsheh një skandal të madh vjedhje ose një tjetër skandal për ata që ka mbajtur pas. Specialistë të vjetër që kanë punuar aty, janë shprehur se jo vetëm që nuk pati dëmtime nga tërmeti, po ai është një nga godinat e bëra në vitet e vonshme.
Muzeu u ndërtua në vitin 2002 dhe është më i madhi në vend për sa i përket koleksionit të tij, i cili tashmë është magazinuar për të vijuar punimet e rikonstruksionit. Ai numëron mbi 3000 artefakte të zbuluara në Durrës, që dëshmon zhvillimin e qytetit nga antikiteti deri në mesjetë.
Muzeu Arkeologjik i Durrësit ju nënshtrua një restaurimi të mëparshëm në vitet 2011-2013, me një investim gati 1 milion dollarë nga qeveria shqiptare.
Në pritje të përfundimit të tij, ata dy puntorët do të kenë mësuar edhe ndonjë lojë tjetër, ndërsa qyteti që mbart me vete historinë shekullore, nuk gjen dot një kostum me miliona euro për rikonstruksion prej tre vitesh. Sa të kapi Rama ndonjë çift tjetër po i jap një tufë shpendësh në fshatin Rinia, po ngaqë atje i kanë ikur në SPAK të gjithë, nuk ka kush i bën foto.
Postimi Ramës
Fshati Rinia Durres
