Faik Basha drejtues i departamentit të sigurisë në PL, ka komentuar garën për drejtorët e policisë në qarqe për të cilët u shpreh se ajo që bie në sy është se në krye të listës janë njerëz që i shërbejnë pushtetit.
Duke u ndalur te Vilson Bala i cili pritet të emërohet për Tiranën, Basha tha se ai është votuar me urdhër të Ramës, si një mënyrë shpërblimi për mënyrën e arrestimit që ju bë kryetarit të Partisë së Lirisë Ilir Meta.
Sipas tij mjafton një kërkim i thjeshtë në internet dhe kupton se Bala ehte në hetim për nxjerrje të informacionit të policisë, si mund të vendoset një person i tillë për rendin dhe sigurinë.
“Ne jemi në koordinim opozitar me strukturat e PD dhe përfaqësues që e njohin mirë rendin e sigurisë publike për të parë të gjithë procesin se si është montuar dhe si është arritur në pikën ku bëhen planifikime dhe dilet te emërimet e drejtuesve të policisë së qarqeve.
Qellimi i opozitës nuk është të etiketojë nivelet dytësore të shefave të komisariateve, por duhet të shohë politikat në tërësi, por kur kemi të bëjmë me shtrirjen në qeliza për kapjen e institucioneve opozita është e detyruar të bëjë analizë në thellësi.
E kemi parë se si ekonomia e paligjshme është shtrirë në të gjitha institucionet, sigurisht që struktura e policisë është një nga elementët kryesorë dhe ndihmon shumë në luftën ndaj krimit, korrupsionit dhe bandave për të ecur vendi para.”
Më tej ai shtoi se jemi përpara një konkursi për 12 drejtuesit e qarqeve, ku nga lista kemi 38 të përzgjedhur dhe sipas tij po shohim se disa nga emrat që kanë punuar në strukturat e policisë kanë një emër dhe po të shohësh që i rendituri që është në krye të listës Vilson Bala, është njeriu që zëvendëson Olti Bistrin.
“Bala në detyrën si drejtues i operacionales ka marrë një urdhër në kundërshtim me kushtetutën e vendit dhe me ligjet ka zbatuar një urdhër që si takon dhe prandaj ai ka marrë 91 pikë në këtw garë se ka zbatuar urdhrin e Ramës për arrestimin e Metës.
Drejtuesi është zbatuesi kryesor se njerëzit në varësi të tij kanë marrë një urdhër për të bërë një arrestim të tillë si ai i metës duke përhapur terror në Tiranë. Pa filluar akoma gara dhe marrja e detyrës dalin kaq shumë informacione që e komprometojnë punën e këtyre drejtuesve.
Ndoshta tani nuk bëjnë më përshtypje por me një kërkim të thjeshtë për Balën kupton se është në hetim për nxjerrje të informacionit të policisë dhe është marrë në hetim nga SPAK për këtë qëllim dhe ti ngarkosh një personi të tillë detyra të tilla për mua kjo është tepër e rëndë për sigurinë. Prandaj opozita është duke kërkuar transparencë se cilat janë këto emra.
Është punuar shumë për ta kapur këtë sistem dhe për ta çuar në duart e krimit dhe bandave dhe vetë SPAK po ta shohësh nuk ka besim te policia. Pra ka disa elementë që e bëjnë të errët mënyrën se si ata po zgjidhen. Unë mendoj se Bala ka marrë pikët maksimale si shpërblim për arrestimin e Metës.”
