Vullkanet kishin shpërthyer në anën e largët misterioze të Hënës miliarda vjet më parë, ashtu si në anën që ne mund të shohim, konfirmon hulumtimi i ri.
Studiuesit analizuan copa hënore të sjella nga anija Chang’e-6 e Kinës, anija e parë kozmike që u kthye me një ngarkesë gurësh nga ana e largët pak e eksploruar e satelitit.
Dy ekipe të veçanta gjetën fragmente të shkëmbinjve vullkanikë që ishin rreth 2.8 miliardë vjet të vjetër.
Një pjesë ishte edhe më e lashtë, që daton në 4.2 miliardë vjet, shkruan yahoonews.
“Për të marrë një mostër nga kjo zonë është me të vërtetë e rëndësishme sepse është një zonë për të cilën përndryshe nuk kemi të dhëna”, tha Christopher Hamilton, ekspert i vullkaneve planetare në Universitetin e Arizonës, i cili nuk ishte i përfshirë në hulumtim.
Shkencëtarët e dinë se kishte vullkane aktive në anën e afërt, pjesa e parë nga Toka.
Por, studimet dhe të dhënat nga Orbiteri i Zbulimit Hënor të NASA-s, sugjerojnë se edhe ana e largët mund të ketë një të kaluar vullkanike.
Bëhet e ditur se rezultatet u publikuan në revistat Nature dhe Science.
Ndryshe, ana e largët e Hënës është e mbuluar nga kratere dhe ka më pak fusha të sheshta dhe të errëta.
“Pse dy gjysmat e satelitit janë kaq të ndryshme, mbetet një mister”, tha bashkëautori i studimit ,Qiu-Li Li.
