Ariana Grande, 31 vjeçe, ka nxitur reagime pas një interviste të fundit ku diskutoi seksualitetin e personazhit të saj, Glinda, në filmin e ardhshëm “Wicked”.
Në bisedën me Gay Times, ajo sugjeroi se Glinda “e fshehur në dollap” duke iu referuar seksualitetit LGBTQ+.
Në intervistë, Grande dhe bashkë-ylli i saj Cynthia Erivo, 37 vjeçe, e cila luan Elphaba, Shtrigën e Ligë të Perëndimit, u pyetën për fansat që i portretizojnë dy personazhet si një çift romantik, shkruan DailyMail.
Grande u përgjigj me humor duke thënë: “Glinda mund të jetë duke u fshehur në dollap. Ju kurrë nuk e dini! Jepini edhe pak kohë”.
Ajo vazhdoi të përshkruante botën e Oz-it si një “festim të veçantisë”, duke theksuar se gjithçka në historinë origjinale të L. Frank Baum ka një ndjesi të çuditshme dhe unike. “Çdo ditë në qytetin e Emerald është si një paradë krenarie… madje edhe pulat atje janë homoseksuale”, tha ajo.
Cynthia Erivo ofroi një perspektivë tjetër për personazhin e saj Elphaba, duke theksuar se marrëdhënia mes dy shtrigave është e veçantë. “Mendoj se Elfi e do Glindën. Nuk është domosdoshmërisht romantike, por është dashuri e vërtetë dhe një lidhje e thellë që ata ndajnë”.
Grande shtoi: “Marrëdhënia e tyre është një hapësirë e sigurt dhe plot mirëbesim, siç duhet të jenë të gjitha lidhjet, qofshin ato romantike apo platonike. Është një dashuri që kapërcen seksualitetin dhe fokusohet në një siguri të ndërsjellë brenda njëri-tjetrit”.
Kur intervistuesi pyeti nëse të gjithë në Oz mund të konsiderohen LGBTQ+, të dyja aktoret u pajtuan me një “po” të qeshur.
Megjithatë, disa fansa kanë kritikuar komentin e Grande për Glindën, duke e interpretuar si një përpjekje për të përfituar nga narrativa ‘queer’ pa e thelluar apo zhvilluar atë si pjesë integrale të historisë.
Filmi “Wicked”, i bazuar në muzikalin hit të Broadway-t, do të dalë në kinema në vitin 2024 dhe pritet të sjellë një version të ri të njohur të historisë nga Toka e Oz-it.
