Një automjet që po lëvizte me shpejtësi të madhe, ka dalë nga rruga për të përfunduar në kanalin e ujërave të zeza.
Përplasja ka ndodhur në autostradën Durrës-Tiranë, kur drejtuesi ka humbur kontrollin mbi automjetin tip “Seat”.
U desh ndërhyrja e zjarrfikësve për të nxjerrë tre pasagjerët e bllokuar.
Autoritetet konfirmojnë se tre të plagosurit, identitetet e të cilëve ende nuk janë bërë të ditur, kanë pësuar lëndime të lehta dhe ndodhen në spital jashtë rrezikut për jetën.
Si pasojë e aksidentit në autostradën Tiranë- Durrës është krijuar radhë kilometrike automjetesh dhe trafiku.
