Ruud van Nistelrooy pritet të emërohet trajner i ri i Leicester City, duke zëvendësuar Steve Cooper, i cili u shkarkua pas një fillimi të dobët në sezonin e Premier Ligës.
Leicester ndodhet aktualisht në vendin e 16-të në tabelë, vetëm një pikë mbi zonën e rënies nga kategoria.
Holandezi ka pasur sukses të fundit si trajner i përkohshëm i Manchester United, ku përfshihen edhe fitoret kundër Leicester-it në Kupën e Ligës dhe Premier Ligë, gjë që besohet se ndikoi në vendimin e klubit.
Van Nistelrooy ka përvojë edhe si trajner i PSV Eindhoven gjatë sezonit 2022-23, ku ekipi përfundoi i dyti në Eredivisie dhe fitoi Kupën e Holandës.
Ai pritet të marrë drejtimin e skuadrës para ndeshjes së radhës kundër Brentford më 30 nëntor .
