Një 30 vjeçar nga Mali i Zi është kapur nga policia në hyrje të Shqipërisë në pikën kufitare të Muriqanit dhe u vu në pranga me qëllim ekstradimin në Francë.
Shtetasi A.D., 30 vjeça nga Mal i Zi ishte në kërkim ndërkombëtar nga Interpol Paris, pasi akuzohet për veprat penale të përdhunimit dhe kryerjes së marrëdhënieve seksuale me të mitur.
‘Në hyrje të Pikës së Kalimit Kufitar Muriqan, shërbimet e Policisë Kufitare si rezultat i masave të shtuara dhe shkëmbimit të informacionit me Interpol Tiranën, kanë ndaluar një shtetas të shpallur në kërkim ndërkombëtar:
’30 vjeçari ishte i shpallur në kërkim ndërkombëtar nga Interpol Paris/Francë, pasi Gjykata e Tribunal Judiciaire De Bethune/Francë, datë 29.07.2024, ka caktuar masën e sigurisë “Arrest me burg”, për veprën penale “Përdhunim” dhe “Kryerje e marrëdhënieve seksuale me të mitur” parashikuar nga Kodi Penal i Francës.’, vijon më tej njoftimi.
