Partia Demokratike ka miratuar të premten grupet e punës për qarqet Durrës, Dibër e Shkodër për zgjedhjet e përgjithshme parlamentare të 11 majit 2025.
Në krye të qarku Durrës është caktuar drejtues politik deputeti Oerd Bylykbashi. Në Dibër demokratët do t’i drejtojë Xhelal Mziu, ndërsa në Shkodër Luçjano Boçi.
Një ditë më parë Partia Demokratike miratoi grupet e punës për qarqet Berat, Elbasan, Lezhë, Kukës, Kavajë-Rrogozhinë. Gent Stazimiri u caktua si drejtues politik për degët Krujë e Fushë-Krujë.
Grupi i parë i punës që u miratua i pari ishte ai i Tiranës me drejtues politik Belind Këlliçi.
