Presidenti turk Rexhep Tajip Erdogan ka deklaruar se tani ka vetëm dy liderë të vërtetë në botë dhe ata janë ai vetë dhe presidenti rus Vladimir Putin.
“Tani, ka vetëm dy liderë në botë. Jam unë dhe Vladimir Putin. Nuk e them këtë sepse njëri prej tyre jam unë. Por unë kam qenë në detyrë për 22 vjet, gati aq sa Putini. Të tjerët kanë ikur. Për shembull, politika përfundoi në Gjermani kur iku Angela Merkel”, u shpreh Erdogan.
Erdogan tha gjithashtu se e respekton ish-kancelarin gjerman Gerhard Schroder.
“Shkalla e tij e respektit për ne ishte absolute dhe ai ishte vërtet një udhëheqës i mirë. Për shembull, gjatë Ramazani ai nuk pinte birrë në tryezën tonë. Ai tregoi respekt. Dialogu ynë me Schroderin vazhdon deri më tani dhe ai madje viziton vazhdimisht Turqinë”, tha Erdogan.
