Deputeti Ferdinand Xhaferraj ka deklaruar për gazetën bulevard se nuk do të jetë kandidat në listën e 11 majit për zgjedhjet e përgjithashme. Deklarimi i tij është bërë vetëm një ditë pasi është miratuar lista e grupit të punës në Durrës, ku pas një liste të vulos ka pasur edhe një tjetër shtesë ku është përfshirë edhe emir i deputetit Xhaferraj. I kontaktuar lidhur me këtë Xhaferraj është shprehur se është në grupin e punës, në tre emrat që janë shtuar më pas dhe njëkohësisht ka pranuar që ai nuk do të jetë në listën e kandidatëve.
“Po, jam njoftuar që do të jem në grupin e punës, ka pasur një listë në nxitim e sipër, por që më pas është korrigjuar edhe me emra të tjerë përvec meje dhe natyrisht është një listë që mund të shtohet edhe në ditët në vazhdim me emra të rinj sipas dinamikës dhe lëvizjëve që do të bëhen në kuadër të fushatës” – ka thënë Xhaferraj për gazetën Bulevard, ndërsa pyetjes se do kandidojë në këto zgjedhje ai është shprehur se nuk do të jetë kandidatë. Sipas tij ka qenë një zgjedhje e tij, por duke parë edhe dinamiën e zhvillëve politike mund të ketë më shumë arsye për të qëndruar në një grup pune, ndërsa emra të rinj duhet të vijnë të përfaqësojnë PD, kuptohet bazuar edhe në përvojën e atyre që sipas Xhaferrajt janë në grupin e punës, por nuk do të jenë në listë përfshirë këtu z. Bylykbashi i cili është drejtuesi politik i Qarkut Durrës.
Ferdinand Xhaferraj është një politikan i njohur i PD që për 30 vite e ka përfaqësuar atë disa herë në parlament, por po ashtu ka qenë edhe drejtuesi degës së PD Durrës disa herë për të shtuar këtu edhe faktin që gjatë qeverisjes së PD ai ka mbajtur edhe poste ministrore. Që prej kohës kur lindën konflikte në PD Xhaferraj është distancuar nga palët po edhe pse ai mbeti në grupin e PD që mori vulën, ai njihet për qëndrimin e tij shpeshë herë kundër Berishës. Gjithsesi Xhaferraj e ka justifikuar largimin e tij nga lista si zgjedhje e tij, ndërsa është shprehur se do të japë kontributin e tij, pasi më e rëndësishme se një mandate i tij është largimi i Ramës nga pushteti.
