Autoritetet hapësinore kineze deklaruan së fundi se dy astronautë të tyre arritën të realizojnë një “ecje në hapësirë” që zgjati 9 orë, duke thyer rekordin e mëparshëm, të vendosur nga astronautët amerikanë në vitin 2001.
Dy astronautët, pjesë e misionit hapësinor “Shenzhou-19”, realizuan ecjen në hapësirë jashtë stacionit hapësinor “Tiangong” midis mbërmjes së të hënës dhe mëngjesit së të martës.
Sipas NASA-s, rekordi i mëparshëm i vitit 2001, ishte vendosur nga astronautët James Voss dhe Susan Helms, të cilët realizuan një ecje në hapësirë për rreth 8 orë e 56 minuta.
Vitet e fundit, Kina ka intensifikuar përpjekjet për t’u kthyer në një aktor të rëndësishëm sa i përket aktiviteteve hapësinore, teksa Adminsitrata Hapësinore e Kinës ka kryer një sërë misionesh gjithmonë e më komplekse, përfshi këtu edhe sjelljen për herë të parë në tokë të kampioneve nga ana e largët e hënës. Ajo synon gjithashtu të dërgojë njeriun e dytë në hënë dhe ka zbuluar se ka dizenjuar edhe një veshje të posaçme për këtë mision, që planifikohet të ndodhë Brenda në vitin 2030.
