Një incident i rëndë ka ndodhur në një festival Krishtlindjesh në qytetin Ibadan në jug- perëndim të Nigerisë. Rreth 35 fëmijë kanë humbur jetën teksa turma ‘ e pabindur’ rendi drejt hyrjes së festivalit tek i cili ishin premtuar shpërblime me para dhe ushqime për pjesëmarrësit.
Policia ka bërë me dije se janë arrestuar tetë persona të cilët besohet se janë organizatorët e eventit, ndërkohë që i kanë kërkuar prindërve të kërkojnë në spitale për të gjetur fëmijët e tyre.
Bilanci i viktimave u rëndua pasi mes 6 të plagosurve, fatkeqësisht 4 nuk mundën t’i shpëtonin lëndimeve të marra.
Disa prindër të prekur nga ngjarja e rëndë i thanë gazetarëve se kishin shkuar me fëmijët e tyre në vendin e “Festivalit të Fundvitit të Krishtlindjeve” që në orën 05:00 të mëngjesit, pesë orë para fillimit të ngjarjes. Ata shpresonin të merrnin disa para dhe ushqim, pasi organizatorët kishin premtuar të shpërndanin rreth 2.50- 3 $ për 5,000 fëmijë, si dhe të ofronin ushqim falas për pjesëmarrësit.
