Ballina Kronika Durrës, makina përplas për vdekje 40-vjeçarin me biçikletë, shoferi ikën nga vendngjarja

Durrës, makina përplas për vdekje 40-vjeçarin me biçikletë, shoferi ikën nga vendngjarja

121
0

Një aksident me pasojë vdekjen është shënuar mbrëmjen e kësaj të marte (24 dhjetor) në rrugën “Miqësia” në Durrës.

Viktima, i moshës rreth 40 vjeç teksa po ecte me biçikletë, është goditur nga nje automjet ende i paidentifikuar.

Drejtuesi i automjetit, pasi ka shkaktuar aksidentin, ka ikur nga vendngjarja. Policia ka mbërritur në vendngjarje dhe po heton rastin në fjalë.

Durrës/Informacion paraprak

Rreth orës 17:30, në lagjen 15 Durrës, një automjet ende i pa identifikuar, ka përplasur biçiklistin shtetasin P. N., 40 vjeç.

Si pasojë e përplasjes ka humbur jetën shtetasi P. N.

Drejtuesi i automjetit është larguar nga vëndi i ngjarjes dhe vijon puna për kapjen e tij.

Grupi hetimor ndodhet në vendngjarje dhe nën drejtimin e Prokurorisë po punon për sqarimin e rrethanave dhe shkakut të aksidentit.