Këngëtari, Ed Sheeran, po krijon një fondacion me emrin e tij për të mbështetur edukimin muzikor në MB.
Fondacioni Ed Sheeran do të synojë të ofrojë arsim muzikor gjithëpërfshirës dhe do të mbështesë 18 organizata të edukimit muzikor dhe departamente muzikore të shkollave publike në të gjithë vendin.
Ai do të synojë të përmirësojë aksesin në muzikë për mbi 12,000 fëmijë dhe të rinj duke ofruar instrumente muzikore, duke krijuar mundësi performancash për të hapur terrene të reja në industrinë e muzikës. Lajmin e ka bërë të ditur vetë ai përmes një postimi në rrjetet sociale.
Teksa ka folur për biznesin e tij të ri, Ed Sheeran tha: “Trajnimi muzikor ka formësuar atë që jam. Gjithmonë më ka pëlqyer të luaj muzikë dhe kjo më ka çuar në disa nga periudhat më të mira të jetës sime”.
Në postimin e tij në Instagram, këngëtari dhe kantautori anglez ka shkruar: “Krijova Fondacionin Ed Sheeran, sepse kohët e fundit po i kushtohet gjithnjë e më pak vëmendje edukimit muzikor. Edhe kur shkoja në shkollë, ata e konsideronin atë një “lodër” dhe nuk e merrnin seriozisht.”
Pas postimit të tij, Ed Sheeran shtoi: “Ekziston një keqkuptim se nuk është një profesion i vërtetë, kur industria e muzikës llogarit 216,000 vende pune në kaq shumë sektorë të ndryshëm dhe sjell deri në 7.6 miliardë paund në vit për ekonominë e Mbretërisë së Bashkuar Basilio. Për të mos përmendur fuqinë që ka arti ynë për t’u sjellë gëzim njerëzve në mbarë botën. Është diçka për të cilën duhet të jemi krenarë në MB”.
