Filmi i ri horror “The Monkey”, i bazuar në një histori të Stephen King, ka shkaktuar reagime të forta për shkak të dhunës së tepruar të paraqitur në trailerin e tij. Kompania e prodhimit, Neon, njoftoi se katër stacione televizive refuzuan të shfaqnin trailerin për shkak të skenave të dhunshme. Në një postim në Twitter, Neon shkroi: “Ne e dërguam trailerin e ‘The Monkey’ në katër stacione televizive, por nuk shkoi mirë”.
Përveç kësaj, Neon publikoi emailet që morën nga stacionet televizive, ku njëra prej tyre shpjegonte se trailerin nuk do të lejohej në asnjë program për shkak të dhunës së tepërt. Një tjetër stacion sugjeroi të krijohej një trailer i ri me më pak skena dhune, ndërsa një i tretë tha se, edhe me kufizimet, trailerin nuk ishte i përshtatshëm.
Ky incident ka ngjallur reagime të ndryshme nga publiku. Disa përdorues të mediave sociale e kanë parë këtë si një mundësi për të promovuar filmin, duke komentuar: “Jepini një bonus ekspertit të marketingut që e ka shpikur këtë” dhe “Filmi do të jetë një hit i madh”.
Filmi “The Monkey” është i bazuar në një histori të vitit 1980 nga Stephen King dhe tregon për dy vëllezër binjakë që gjejnë një kukull të vjetër majmun në papafingo, e cila i përkiste babait të tyre. Rreth tyre fillojnë të ndodhin vdekje të tmerrshme, duke i detyruar ata të përballen me pasojat e dhunës së shkaktuar nga kukulla e mallkuar.
Ky incident ka ngritur pyetje mbi kufijtë e pranueshmërisë së dhunës në media dhe ndikimin e saj në audiencë. Diskutimet vazhdojnë mbi balancën mes lirisë artistike dhe përgjegjësisë sociale në prodhimet filmike.
