Një sherr mes të miturve është raportuar në Sarandë.
Për pasojë një 15-vjeçar ka mbetur i plagosur në shpatull pasi është goditur nga një 12-vjeçar, dyshohet me mjet prerës. I plagosuri është transportuar në spital ku edhe po merr ndihmë mjekësore dhe është jashtë rrezikut për jetën.
Ndërkohë 12-vjeçari u shoqërua në Komisariat për veprime të mëtejshme procedurale. Gjatë veprimeve të mëtejshme lidhur me ngjarjen, u gjet dhe u sekuestrua në cilësinë e provës materiale mjeti prerës që dyshohet se është përdorur gjatë konfliktit.
Grupi hetimor, nën drejtimin e Prokurorisë, vijon veprimet hetimore për të sqaruar rrethanat dhe dinamikën e plotë të ngjarjes.
