Gjykata liroi dy vajzat të cilat u arrestuan 3 ditë më parë nga policia e Korçës me akuzën e pornografisë me të mitur pasi ato dyshohet se përmes një faqe instagram kanë publikuar mesazhe me përmbajtje shantazhuese dhe video e foto me përmbajtje pornografike.
Prokuroria e Korçës kërkoi për të dyja vajzat masën e arrestit në shtëpi deri në përfundim të hetimeve ndërkohë që Gjykata ka caktuar masa më të buta se ato që kërkoi prokuroria
Gjykata vendosi detyrim paraqitje për një 19-vjeçare dhe mbikëqyrje nga prindërit për të miturën 17 vjeçare.
Seanca ka zgjatur gati 2 orë e 30 minuta. Në seancë dy avokatët kanë kërkuar masë më të butë sigurie se ajo që kërkoi prokuroria ndërkohë që hetimet do të vazhdojnë për të provuar përgjegjësinë e vajzave dhe të të rinjve të tjerë të përfshirë në këtë ngjarje.
